Ernst Fischer
* 09.06. 1961 - 31.12 2024 †
"Ernstl, i hob vui über Di nochdenkt in da letzten Zeitvnd hob a paar von meine Erinnerungen an Di aufgschriem. i woas net wann Du genau in unser und mei Leben kemma bist, Du warst auf oamoi da!
Und wia du da warst, eigentlich wenns ganga ist jeden Tag bei uns in da Hüttn in Wadlhausen.
Am Anfang vo da Woch hat ma si scho erkundigt, was hat da Ernstl de Woch für a Schicht, Früh,
Spät oder Nacht - das war oft die Frage.
Wennst aus da Spätschicht kemms bist, hot ma scho oft dei Motorradl vo da weiten gehört. Obwoi Du a ganz Stückl älter wia die meisten von uns warst, host Du die voller Freid mit uns Junga obgem. Vui hama vo dir glemt, des ko ma im nachhinein erkenna. Du hast di für ois interessiert, hast vui gwusst ohne dassd a Gscheidmeier warst und hast uns oft supsr Gschichtn erzählt. Ois was du opackt hast, hast zurchzong.
Dei Motto war überhaupt, wenn ma was macht, dann bitte gscheid! Als gtosser Fan von verrückte T-shirt ist des hauptsächlich auf deim Mist gwachsn, daß mir damois eigene Tshirts und Pullis mit einem von Dir super entworfenen Hüttnglöckner Motiv griagt hom. Du hast di da voi neighängt. A mit deinem unglaublichen Ordnungssinn hast du wahrscheinlich einige vo uns sogar in jungen Jahren geprägt. Gschlampert hots bei dir net gem. I erinner mi an deine wahnsinns-katalogisierte Videosammlung, vo der wir alle was ghabt ham.
No heit denk i an di, wenn irgendwo a Clint Eastwood Streifen lafft. A später in deiner eigenen Werkstatt hast du voller stoiz die sauber und pickobello eigrichte Werkbank herzoagt. I hab des immer bewundert! Und hilfsbereit warst du über die Maßen muass ma sogn. Egal was war, auf die hat ma zählen kenna. Du warst koa Sprücheklopfer und hast mit opackt.
Du hast z. B. unser Brautauto organisiert und exta spezielle Maschin baut, damit ihr Markstückl in Kronkorken eistanzen habts kenna, für unser Geldgeschenk. Wia mia in Walchstadt die Wirstschaft übernomma hom, warst Du immer da und hast geholfen beim herrichten. Wia ma später unser Haus baut hom, host uns gfrogt, ob du des elektrische oi macha derfst - Du wollst immer moi probieren ob du des higriagst. Natürlich host des higriagt, Stunden um Stunden warst do und Du hast es vom Feinsten gmacht - des war hoit dein Motto. Oft war dir als Lohn a guads Essen in gemeinsamer Runde genug!
Oamoi sama mitnand in Urlaub gfahren, im Februar 1994 nach Mexico. Natürlich host du uns mit deiner Reiseerfahrung guat ghoifa beim planen vo dera Reise. Unser Flug ist mit Zwischenstop in Chicago nach Yucatan ganga. ln Chicago hama gmoant, mia verzichten auf a Übernachtung und macha stattdessen die Nacht durch und schaung uns bis zum Weiterflug am nächsten Tag in da Friah de Stodt bei Nacht o.
Wia mia in Minga in Fliaga eigstiegn san, war ma so ziemlich de letzten, Du Ernstl als onaga mit a kurzen Hosn (im Februar!), weil in Mexico is ja warm. Und oans vo deine verrückten Tshirts. Und amm Anfang steht ja immer de ganze Crew vom Fliaga zur Begrüßung und Du hast eana oans vo deine deftigen Servus higschmettert. Mia ham natürlich scho lacha miassn. Wia ma dann scho einige Zeit üuber de Wolken wann, kimmt net tatsächlich da Pilot zu uns, er hot die Stewardess gfrogt wo Du hockst und woit di unbedingt kenna lerna. Es hot si rausgstellt, dass er aus Chicago is und nur immer die Strecke nach München fliagt, wei er so a Fan vo Bayem ist. Mit deim sauguaden Englisch host Du di mit eam guad unterhoitn kenna und er hat uns lauter Tips gem, was ma in dera Nacht in Chicaog macha soin. Vui davo hama dann gmacht. Versumpft sama dann im Blue Chicago, eina legendären Blueskneipn. I woas no, es war a saukoid wia ma in da Nacht durch de Stodt gaoga san, mia hom alle blos a Sweatshirtjackn oghabt und ham uns die Ohren zuaghiot, we da Wind so eisig pfiffa hot. Du warst mit deiner
kurze Hosn voi in deim Element. Hitze host jania guad vertragen.
Emst so warst du - in einem Flieger mit wahrscheinlich 300 Passagiere bist Du rausgstocha wia a bunter Hund. Mit deinem lauten Temperament und mit deinem mitreissendem Lachen. Mein Gott, ham mir oft a Gaudi mit Dir ghabt!
Du hast a sauguad Singa kenna und oft ham mir alle mit dir mitgrölt was ganga is. Emstl, wenn i di troffa hob host net einfach bloss griasdi gsagt sondem immer Hey Mädl, geht's da guad? Und du waist oana vo dene wo ma a song hat kenna, na Ernstl, es is grad ois Scheiße. Und du hast di immer dafür interessiert was los ist.
Wenn I auf mein Leben zruck schau, und alle meine bisherigen Weggeführten mit a Galaxie vergleich, dann muass i song, dass Du a bsonders heller Stern gwen bist. I frog mi seit deim Tod, warum mia eigentlich nia moi a Hüttn-Treffen gmacht harn. Jetzt hast du erst vo uns geh miassn, dass mia wieder moi so zamkemma. Saumäßig schod is des, und des duad ma jetzt im nachhinein richtig Leid. In den letzten Jahre hom mia uns aus den Augen verloren - jeder ist seiner Arbeit und seim Leben nachganga und ma hot si nimmer bsonders umeinander kümmert.
Ernstl, so oahna wia Du hinterlast koa Lücke, sondern a Wahnsinns-Loch. I zumindest empfind des so.
I werd mi immer an di erinnem und werd viele Gelegenheiten finden, wo i an die denga werd und wenns nur unsere Lampen dahoam san oder da Clint Eastwood ..."
Pfiadi liaba Freind!
Gaby